Dapet Mobil Dinas

Topik: "Mak, katanye babeh naek pangkat ame dapet mubil dines dari kantornye yak?"
Emak: "Iye Pik, emang nape?"
Topik: "Koq mubilnye kagak pernah dibawe pulang sih mak? Bilang dong mak ame babeh supaya ntu mubil dibawe pulang, pan lumayan sekali-sekali bise Topik bawe ke kampus ame Topik pake ke rumenye si Maya kalo malem mingguan..."

Emak: "Emak sih ame babeh sebenernye kepengen banget itu mubil dibawe pulang, tapi kagak enak ame tetangge, Pik..."
Topik: "Lhaaaa emang nape, Mak, pake acare kagak enak segale ame tetangge? Mau-maunya kite doong..."

Si Emak pun nyampein ke babeh.

Besoknye, pulang kuliah, Topik teriak dari luar, "Mak, itu nape mubil tinja parkir depan rumeh kite?"
Emak: "Nah, kate elo, babeh harus bawe mubil dinesnya ke rumeh. Noh, Mak udeh minta ijin ke babeh elu, kalau elu mau pakai buat ngapelin si Maya, kate babe elu hati-hati kalau bawa itu mubil!"